Galeriya Wêneyan
Mudirîya ma ya Polîtîkayanê Cinîyan, çarçewaya 25ê Teşrîna Peyêne Roja Têkoşîn û Piştîpêdayîşê Şîdetî yê Vera Cinîyan a Mîyanneteweyî de Dewa Haware Xasê de pêdîyayîşê cinîyan organîze kerd.
Pêdîyayîşî de ke bi şîarê “Vera şîdetî pê têkoşînê rêxistinkerdeyî nika wextê cinîyan o” ame viraştiş, cinîyê ke Haware Xasê de ciwîyenê, înan ra teber endamê ma yê meclîsî, îdareyê qeza yê Baglarî yê DEM Partî û DBP'yî, temsîlkarê dezgehanê cinîyan, mudirê ma yê yewîne û embazanê ma yê karî yê cinîyan ca girewt.
Pêdîyayîşî de derheqê şîdetê vera cinîyan, tewiranê şîdetî û mekanîzmayanê ke vera şîdetî eşkenê bêrê muracatkerdiş de xebata atolye ameye kerdiş. Cinîyan tecrubeyê xo pare kerdî û fikr û pêşnîyazê xo yê seba girdkerdişê têkoşînê hemparî û piştîpêdayîşê vera şîdetî ardî ziwan.
