Şaredariya Bağlarê ji bo pêşxistina plana xwe ya stratejîk a pênc salan bi awayekî xurt dixebite. Li gel ku li ser standan anket tên kirin da ku nêrîn û pêşniyarên raya giştî werin berhevkirin, civîn jî ji bo nîqaşkirina plansaziyê tên lidarxistin.

Şaredariya Bağlarê ji bo amadekirina Plana Stratejîk a 2025-2029an û plansazkirina pêşeroja navçeyê bi hev re bi gel re dest bi xebateke bi bandor kiriye.

Gel li standên ku li ber avahiya şaredariyê hatine danîn, pêşniyar û nêrînan dixwaze. Karbidestên Çapemenî, Weşan û Têkiliyên Giştî, Xizmetên Jin û Malbatê, û Daîreya Paqijiyê guh didin daxwaz û pêşniyarên welatiyan.

Şaredariya beşdar

Welatiyên ku serdana standan dikin, forma "Nirxandina Xizmetên Şaredariyê" ya ji bo Plana Stratejîk amadekirî tijî dikin û di plansazkirina pêşeroja Bağlarê de bi hev re xwedî mîsyonek pêşengiyê ne.

Form deverên ku gel dikare nirxandinên xwe di bin sernavên xizmetên veguhastinê, tenduristî û xizmetên civakî, çand û geştiyariyê, rêveberiya karesatan û kontrola bajaran, û xurtkirina avahiya sazûmanî de dihewîne.

Civînek di bin serokatiya Hevserok Ayaz û Çelik de pêk hat.

Amadekariyên Plana Stratejîk a 5 Salî bi awayekî berfireh didomin. Di vê çarçoveyê de civînek girîng hat lidarxistin. Hevşaredarên Şaredariya Baglarê Leyla Ayaz û Siraç Çelik, Cîgirên Hevşaredaran Jiyan Aslan û Reşat Yücel, endamên meclîsa şaredariyê û serokên beşan civiyan. Di civînê de li ser pêşxistina plana stratejîk hat sekinandin.

Welatî dikarin bi rêya "ANKETA NIRXANDINA XIZMETÊ" ya li ser malpera Şaredariya Bağlarê beşdarî çêkirina Plana Stratejîk a 5 Salî bibin.