Tîmên Atletîzmê yên Şaredariya Baglarê piştî serkeftina xwe di şampiyoniya herêmê de serdana Hevserok Leyla Ayaz û Siraç Çelik kirin.

Tîma Jinan a Bağlar Belediyesporê ya U16 di Şampiyoniya Herêmê de pileya yekem, Tîma Jinan a U14 jî di rêza duyem de bi dawî bû. Tîma Mêran a U16 jî di herêmê de di rêza duyem de bi dawî bû. Werzişvanên serketî, ku sê kûpa bi dest xistin, dê di Fînala Lîga Herêmî ya Koşeya Bejayî de ku di 9ê Kanûnê de li Antalyayê tê lidarxistin, Amed û Bağlar Belediyespor temsîl bikin. Werzişvan û şandeya teknîkî beriya fînalê serdana Hevserokan kirin.

Hevseroka Leyla Ayaz ciwanan pîroz kir û diyar kir ku ew ê hewlên xwe bidomînin da ku bigihîjin bêtir ciwanan. Ayaz girîngiya beşdarbûna ciwanan bi werzîşê û balkişandina şaredariya xwe li ser van destpêşxeriyan tekez kir û di pêşbirkên pêşerojê yên li Antalyayê de serkeftin ji wan re xwest.

Hevserok Siraç Çelik jî pîrozbahî li werzişvan û tîma teknîkî kir û tekez kir ku ew baweriya xwe bi ciwanan tînin û ew ê ji bo wan xebata xwe bidomînin.