Bi dirûşma “Li dijî tundiyê bi têkoşîna rêxistinkirî niha dem dema jinê ye” li Navenda Jiyanê ya Jinan a Mala Xincikê civîn hat lidarxistin.
Di bin pêşengiya Gerînendetiya me ya Polîtîkayên Jinan de, xebatên me yên civînên jinan ên ku di çarçoveya 25ê Mijdarê Roja Têkoşîna Navneteweyî û Hevgirtinê ya li Dijî Tundiya Hemberî Jinê de tên lidarxistin, didomin.
Bi dirûşma “Li dijî tundiyê bi têkoşîna rêxistinkirî niha dem dema jinê ye” li Navenda Jiyanê ya Jinan a Mala Xincikê civîna ku me pêk anî; ji bilî kursiyerên me û jinên şêniyên taxê, Hevşaredara me Leyla Ayaz, Hevseroka Bajar a Partiya DEM'ê Fatima Uzul Levent, Berdevka Meclîsa Jinan, hevşaredar û rêveberên navçeya Rezanê yên Partiya DEM'ê û DBPyê, endamên Meclîsa me, gerînendeya yekeya me û kedkarên şaredariyê beşdar bûn.
Hevşaredara me Leyla Ayaz di axaftina xwe de bal kişand ser girîngiya têkoşîna hevpar a li dijî tundiya li ser jinê û hevgirtina jinan û destnîşan kir ku ev têkoşîn dê bi hîn mezinkirinê jî bidome.
Di çarçoveya civînê de ji aliyê derûnînasa saziya me ve xebata kargehê ya bi sernavê “Tundî û Cureyên Tundiyê” hate lidarxistin.
Jinan bi parvekirina ezmûn, çavdêrî û ramanên xwe yên di nava jiyanê de û bi pêşkêşkirina pêşniyarên çareseriyê, hêzeke mezin dan civîna me.