Li Navenda Jinan a Kardelen a Şaredariya Bağlarê ji bo jinan perwerdehiya alîkariya yekem hate dayîn. Gelek jinan ji vê perwerdeyê sûd wergirtin.

Di bernameyeke bi hevbeşî ji aliyê Rêveberiya Xizmetên Jin û Malbatê ya Şaredariya Bağlarê û Rêveberiya Xizmetên Tenduristiyê ve tê birêvebirin, jinan perwerdehiya alîkariya yekem dîtin.

Hejmareke mezin ji jinan beşdarî bernameya perwerdeyê bûn ku li Navenda Jinan a Kardelenê, ku girêdayî Rêveberiya Xizmetên Jin û Malbatê ye, hate lidarxistin. Perwerde ji aliyê karmendên Navenda Tenduristiyê ya Şaredariya Bağlarê ve hate dayîn. Perwerde, ku bi slaytan hate pêşkêşkirin, mijarên wekî "Alîkariya yekem çi ye?", "Girîngiya alîkariya yekem?", "Armanca sereke ya alîkariya yekem?", "Pêkanînên bingehîn ên alîkariya yekem.", "Nirxandina rewşa nexweş/birîndar.", "Alîkariya yekem ji bo ta û qezayên malê yên zarokan.", "Ji bo tayê zarokan kengî divê meriv here cem bijîşk?", û "Alîkariya yekem ji bo xwînrijandinê" vedihewîne.

Perwerdehiya pratîkî her wiha agahî li ser teknîka "binêre, guhdarî bike, hîs bike", masajkirina dil û manevraya Heimlich, ku hemî di alîkariya yekem de roleke girîng dilîzin, dihewîne. Her wiha talîmatên berfireh li ser tiştên ku di rewşên jehrîbûn, şikestin, jihevketin, astengkirina rêyên hewayî û gezandina heywanan de werin kirin, hatin dayîn.

Piştî perwerdeyê, xebatkarên tenduristiyê yên Şaredariya Bajarê Mezin a Dîyarbekirê tansiyona xwînê ya jinan pîvand.