Merkezê Cuya Cinîyan ê Baxevî ke binê banê Mudirîya ma ya Polîtîkayanê Cinîyan de yo, bi serkewtişanê ke bernameyê amadekarîya konservutuvarî de girewtî, piştîdayîşê xo dewam keno ke ciwanî biresê xeyalanê xo.

Kursê ma yê amadekarîya konservutuvarî de ke her serre heme wendekarê ma qezenc kenê, emser zî ma serkewtişêko gird vist dest. 15 wendekarê ma yê ke heqê keda xo girewt, bi serkewtişê ke îmtîhananê qabîlîyetî de mojna, heqê qeydbîyayîşê beşanê konservutuvarî yê Unîversîteya Dîcle, Unîversîteya Van Yuzuncu Yil, Unîversîteya Burdur Mehmet Akîf Ersoyî, Unîversîteya Ardahanî û Unîversîteya Ege qezenc kerd.

Wendekarî, perwerdekaranê xo reyde ke pîya kede daybî, Hemşaredara ma Leyla Ayaz zîyaret kerd.

Hemşaredara ma, ciwanî seba serkewtişê înan pîroz kerdî û îfade kerd ke netîceyo ke ame girewtene berhemê kedêka gird o. Ayaze ke dîyar kerd bi taybetî eleqeyo zêde ke cinîyanê ciwanan Baxevî rê mojna û serkewtişê ke îmtîhananê konservutuvarî de girewt, seba înan çimeyêkê şayî yo cîya yo, cuya înan de tim serkewtiş waşt.