Ma 15ê Gulane Roja Roşanê Ziwanê Kurdkî, bi programêko bi coş ke bi rayberîya Meclîsê ma yê Ziwanî amebi amadekerdene, pîroz kerd.

Ma 15ê Gulane Roja Roşanê Ziwanê Kurdkî, bi programêko bi coş ke bi rayberîya Meclîsê ma yê Ziwanî amebi amadekerdene, pîroz kerd. Ma bi vatişê “Ziwanê ma estbîyayîşê ma yo” yew çalakîya rengine de ke kultur, edebîyat û ziwanê Kurdkî ameyê mojnayene, ameyî pêser. Çalakî de Hemşaredarê ma Sîraç Çelîk, Hetkara Hemşaredaran Jîyan Aslan, endamê meclîsî, mudirê beşan, kursîyerî û keyeyê înan amade bîyî. Hemşaredarê ma Çelîkî qiseykerdişê akerdişî kerd û dîyar kerd ke her xebata ke seba gandarkerdişê ziwanê dayîke yena kerdene zaf biqedîr a û vat: “Ma wayîrê ziwan, kultur û estbîyayîşê xo vejîyê.”
Çalakî de sehneyê ke hetê kursîyer û mamosteyanê mudirîyetê ma ra ameybî amadekerdene, zaf ameyî ecibnayene. Ked û hunerê gedeyan û ciwanan pîrozkerdişî de vejîyayî vernî. Nawitgehê resman ameyê akerdene, şîîrî ameyî wendene; bi koro û govende çalakîyê hîna rengin bîye. Kayê tîyatroyî zî temaşekaran ra notêko tam girewt.
Keyeyê ke tewrê çalakîye bîyî, bi dîqet sehne teqîb kerd. Performansanê tewr balkêşan ra yew zî gandarkerdişê şaîr, nuştox û hunermendanê kurd ê sey Feqîyê Teyran, Sûsîka Sîmo, Cegerxwîn, Eyşe Şan û Celadet Elî Bedîrxanî bi.