Tîmên Şaredariya Baglarê li dibistanên Taxa Bagcilarê kontrolên xwarin, paqijî û etîketê kirin.

Tîmên Daîreya Polîsan a Şaredariya Bağlarê ji bo parastina tenduristî û ewlehiya giştî 24 saetan kontrolên giştî dikin. Bi vebûna dibistanan re, tîman ji bo misogerkirina tenduristiya xwendekaran kontrolên xwe zêde kirine. Di çarçoveya vê hewildanê de, wan li dibistanên seretayî, navîn û amadeyî yên li taxa Bağcilarê kontrol kirin. Hevşaredarê Bağcilarê Uğur Alyüz, Midûrê Polîsan Mehdi Aydın û Rêvebera Çapemenî, Weşan û Têkiliyên Giştî Halime Demirtaş jî beşdarî kontrolên fermî bûn.

Tîman berhemên xwarinê yên li kafeteryayên dibistanan kontrol kirin, tarîxên qedandinê û şert û mercên hilanînê kontrol kirin. Her wiha bi baldarî çavdêriya rêziknameyên paqijiyê kirin.

Tîman derbarê girîngiya paqijiyê û pêşîgirtina li rewşên ku dikarin tenduristiya xwendekaran bixin xetereyê de agahî dan, û her wiha etîketên bihayê jî kontrol kirin.

Derbarê cihên ku li gorî rêziknameyan tevnegeriyane raporek hat amadekirin û tedbîrên pêwîst hatin girtin.