Galeriya Wêneyan
Gerînendetiya me ya Polîtîkayên Jinan, xebatên xwe yên 25ê Mijdarê Roja Têkoşîna Navneteweyî û Hevgirtinê ya li Dijî Tundiya Hemberî Jinê didomîne.
Di vê çarçoveyê de em li Navenda Hevgirtinê ya Jinan a Kardelenê di civîna jinan de hatin cem hev.
Ji bilî kursiyerên me û jinên şêniyên taxê, Hevşaredara me Leyla Ayaz, Cîgira Hevşaredar Jiyan Aslan, endamên Meclîsa me, gerînendeya Polîtîkayên Jinan û Meclîsa me ya Jinan jî tevlî civînê bûn. Jinan di civînê de reng, gotin û ramanên xwe parve kirin û hevgirtinê mezin kirin.
Hevşaredara me Leyla Ayaz diyar kir ku armanca sereke ya civînên di çarçoveya 25ê Mijdarê de tên lidarxistin xurtkirina hevgirtina jinan a li dijî tundiyê ye û destnîşan kir ku ev têkoşîn dê bi biryardarî were domandin.
Piştre ji aliyê Derûnînasa saziya me ve kargeha bi sernavê “Tundî û Cureyên Tundiyê” hate lidarxistin.
